SPEECH BY MS SD MOTUBATSE-HOUNKPATIN DURING THE DEBATE ON PAN AFRICAN PARLIAMENT

26 February 2004

Madam Speaker,
A ke thome ka gore Afrika ke Nako. Le hlabile a re le oreleng. La ka moswana le na le tša lona. Ga e gona naka ya go phala ekhwi.

Madam Speaker,
Maabane Morena Jeff Radebe o be a šupetša pukwana yeo e laetšago botse le bothakga bjoo lefapa la gagwe le šomilego ka gona go kgonthišiša gore Poelano le kago ya Afrika e tlogela go ba toro eupša e a phetha gatšwa.

Manameo ao lefapa lekhwi le a tšerego ke a a latelago ka boripana.

• Go tsenywa ga motato la Lesotho
• Go beakanywa ga tshepetšo ya motlhagase gola Malawi, Angola le Namibia
• Go hlwekišwa le polekego ya gase ka Botswana.

Rurururi tše esa le dinyane, dikgolo di sa etla go-bane mošomo wo ka moka o dirile ke ba ga Eskom fela a se ka tšwa ke bala mafapa a mangwe le tše dingwe tša go wela ka tlase ga tshepidišo ya Morena Radebe.

Ke thoma ka tše khiwi ka ge di le mono kgauswi le rena le gona dinaga tše khwi tša baagelwane di papile le rena. Nke ke gopotše ntlo-kgolo ye gore nakong tša mmušo wola wa dingangel di-ila botse le bothakga bja motho-moso. Dinaga tše khwi di be di hlokofatšwa kudu ka ge di be di sa kwane le kgethollo.

Ka go realo, ke laetša gore sela se bego se dirwa maloba sa go hlakiša dinaga tša baagelwane se fetogile. Mmušo wa ANC o šomišana le dinaga tše go di aga le go kgonthiša gore mafelo a batho a kgonafala gomme gwa ba le tšwelopele.

Madam Speaker,
Go na le dinyakwa tšeo lefase ka moka re sa šetše mmala goba go re o botse ka-pa sekobo se dumugo go ba natšo.

• Tokelo ya go kgetha baetapele le go ba leloko la mokgatto wo o ratago.
• Tokelo ya humana thekgo go mmušo wa gago ya go iša bana dikolong, go hwetša kalafi ge o babjwa le go humana sekgoba sa go šoma ka pa go itirela se se kago go phediša.
• Go ba le khutšo nageng ya gago go phela o lokologile o sena tšhabo gore monagano wa gago o šome ka tshwanelo.

Madam Speaker,
Ka kgwedi ya July 2002 re bone go tswalwa ga Mokgatlo o mošwa wa popano ya Afrika. Lesega le lešetše le tiile ge ebile re le hlatlamiša go tšhomišano ye e tiye.
Bothakga bjoo re bonago bo tlile go tšwelela ke:-

• Tirišano le thekgo e botse ya bana ba Afrika. Dinaga mabapi le batho.
• Thokomelo le tšhireletšo ya dinaga mabapi re hlompha mmelwane fela re šomišana ka tlhompho.
• Tšweletšo e botse le tshepedišo e botse dipoloiking le tša leruo mo kontinenteng.

Go šetše go katilwe tema e kgolo go kgonthišiša gore Palamente e eme gomme ka go tša tšhireletšo le gona Lekgotla la tša Khutšo le Tlhapetšo le lona le phethiša morero wa yona.

Baetapele ba rena tema lsa e kgathile go šetše gore maloko a Palemente wona a dire modiro wa bona gore sa pele:

• Melao ya dinaga tša rena e nyalane re sepele ka mošhito o fee.
• Sa bobedi setshaba se a kalo-kana se tšea karolo mo tshepedišong ya tša mmušo wa naga tša bona.

Re a kgethile maloko re le palamente ya Afrika Bokwa - ke tshwanelo gore re a thekge a kgone go phetha mošomo wa bona ka tshwanelo.

Releboga Madam Speaker/Deputy le bathuši ba bona ka tlhatho le thekgo e botse ye re e bona ge re be re šogana le tšeo di lebanego le mošomo wo ka moka.

Malebo hle,
Ke leboge gape ba makoko a kganetšo ka bothakga le tšhomišano e botse ye ba elaeditšego nakong ya go ahla-ahla dingwalwa tše ntšhi tše re di šomišitšego go lokišetša gore Palamente ya rena e tihlelele tumehano.

Ke leboga dikwari tše ka moka.