NOORD-WESKUS VERWELKOM ANC PRESIDENT

Issued by: ANC Western Cape

Die ANC Noord-Weskus is trots daarop dat ons President, Thabo Mbeki op Vrydag 23 April die ere-burgerskap van die Vredendal Stadsraad sal ontvang.

As ANC-lede het ons volle vertroue in sy leierskap en vermoe om saam met ons die Wes-Kaap vir die ANC te wen. As President van SA sal hy die land en die provinsie op die wenpad plaas en verandering sal vinniger geskied.

Die ANC Noord-Weskus is trots op wat ons Raad bereik het. In November 1995 is hulle gekies om die mense van Vredendal te bedien. In minder as vier jaar is baie hoogtepunte bereik:

• 607 hop huise is voltooi. (die Raad gee nou aandag aan die 450 op die waglys)
• Fase 1 en 2 straatligte en elektrifisering
• Paaie word geteer
• Gratis gesondheidsorg word by die kliniek verskaf.
• Die waterdrukstelsel is opgradeer
• Daar is nou 'n satellietpolisiestasie
• Daar is 'n elektrisiteits betaalpunt en 'n kragpunt te Vredendal-Noord
• Sypaadjies word gebou wat werk verskaf
• Ons kinders word gevoed deur die groentetuin projek
• 'n Diens Sentrum is gestig waar kleinsakelui en entrepeneus kan aanklop vir hulp
• Die meentgrond projek het deure oopgemaak vir kleinboere
• Die Munisipaliteit is herstruktueer met die gevolg dat die 'gesig" van die Raad verander het
• Die Westlake Tegniese Kollege, 'n satelietkampus van die Stellenbosch Universiteit, verskaf opleiding aan ons jongmense.

'n Begin is gemaak, maar daar is nog baie werk en probleme wat ons in die gesig staar:

• aanrandings en uitsettings op plase vind nog steeds plaas.
• daar is geen samewerking tussen wit en bruin skole
• rassisme leef nog; bv bruines word steeds nie in "Attie-se-gat" ontspanningsplek toegelaat nie
• in sekere werksplekke vind diskriminasie nog steeds plaas, terwyl baie werkers nog honger lone kry

Verandering moet nou vinniger geskied. Vredendal en die hele Noord-Weskus moet ANC stem om die Wes-Kaap te bevry.

Meer en meer mense besef dat die NP besig is om te verkrummel. Elke dag verlaat selfs jeugleiers, organiseerders, raadslede en selfs ministers die party. Die meerderheid sluit aan by die ANC. Die Kaap is aan die draai.. Dis Didelik!

THABO MBEKI ontvang ere-burgerskap van Vredendal

Vrydag 23 April

Aankoms 10:30vm

Toekenning 12:15nm

Op hoek van Voortrekker en Kerkstraat

Issued 20 April 1999